নিয়মীয়া বাৰ্তা, ১৯ আগষ্ট : আজি পুৱা ধুবুৰীৰ ধৰ্মশালা আৰক্ষী চকী আৰু চিআৰপিএফ বাহিনীৰ যৌথ অভিযানত বৃহৎ পৰিমাণৰ য়াবা টেবলেট জব্দ হোৱাৰ সমান্তৰালকৈ এজন ড্ৰাগছ সৰবৰাহকাৰী জালত পৰা বুলি জানিব পৰা গৈছে। জানিব পৰা মতে, এক গোপন তথ্যৰ ভিত্তিত আজি কাহিলি পুৱাতেই ধৰ্মশালা আৰক্ষী চকীৰ এটি দলে ৪৮ চিআৰপিএফৰ কুইক এক্সন টীমৰ সহযোগত ধুবুৰী চহৰৰ পাৰ্শ্বৱৰ্তী ধৰ্মশালা চতুৰ্থ খণ্ড অঞ্চলত এক অভিযান চলাইছিল। উক্ত অভিযানত দলটোৱে ৭টা পেকেটত থকা মুঠ ১৩৩০টা য়াবা টেবলেট উদ্ধাৰ কৰাৰ সমান্তৰালকৈ আমিৰ হুছেইন নামৰ ড্ৰাগছ সৰবৰাহকাৰী এজনক কৰায়ত্ত কৰে। ধৃত হুছেইনৰ ঘৰ ধৰ্মশালা চতুৰ্থ খণ্ডত।
প্ৰেৰক অমিতাভ চক্ৰৱৰ্তী