নিয়মীয়া বাৰ্তা, ৩০ ডিচেম্বৰ : জামুগুৰিহাটৰ মৰিসুঁতি ১নং বাটমাৰী গাঁৱত আজি সংঘটিত হয় এক ভয়ংকৰ অগ্নিকাণ্ড । গাঁওখনৰ আঝাদ হুছেইন নামৰ যুৱকজনৰ ঘৰৰ কাষত থকা ধানখেৰৰ মেজিত দুৰ্বৃত্তই অগ্নিসংযোগ কৰাৰ ফলত দাওদাওকৈ জ্বলি উঠে খেৰৰ মেজি। গৃহস্থই অগ্নিনিৰ্বাপক বাহিনীক ততাতৈয়াকৈ খবৰ দিয়াত অগ্নিনিৰ্বাপক বাহিনীৰ লোকে আহি ঘটনাস্থলীত উপস্থিত হৈ স্থানীয় ৰাইজৰ সহযোগত জুই নিৰ্বাপণ কৰে যদিও ইতিমধ্যেই গো-পালকগৰাকীয়ে জাৰ্ছী গাইগৰুৰ বাবে আনি থোৱা প্ৰায় ১২ ট্ৰেক্টৰ ধানখেৰ সম্পূৰ্ণৰূপে জুইত ভস্মীভূত হয়৷
প্ৰেৰক হিৰণ্য বৰা