নিয়মীয়া বাৰ্তা, ১৫ জানুৱাৰীঃ পহিলা মাঘত নলবাৰী জিলাৰ ষাঠিকুছিস্থিত শ্ৰীশ্ৰী জয়হৰি পিতাৰ থানত অনুষ্ঠিত হ’ল ১২১টি শিশুৰ গৰখীয়াক সেৱা অনুষ্ঠান৷ 
জয়হৰি পিতাৰ থানৰ থান পদাধিকাৰ তথা উত্তৰ-পূৱ কৰ্কট চিকিৎসালয় আৰু গৱেষণা প্ৰতিষ্ঠানৰ অধ্যক্ষ গণেশ তামুলী, নৱদ্বীপ হস্পিতাল নলবাৰীৰ পৰিচালন সঞ্চালক ডা° প্ৰণৱ মল্ল বৰুৱা, সমাজসেৱক জ্যোতিৰ্ময় শৰ্মা, জয়হৰি পিতাৰ থান পৰিচালনা সমিতিৰ সভাপতি চন্দন ভট্টাচাৰ্য্যকে ধৰি পৰিচালনা সমিতিৰ সমূহ বিষয়ববীয়া আৰু ৰাজ্যৰ ভিন্ন প্ৰান্তৰ ৰাইজৰ উপস্থিতিত বন্তি প্ৰজ্বলনেৰে গৰখীয়া সেৱা অনুষ্ঠান শুভ উদ্বোধন কৰে সাহিত্য অকাডেমি বঁটা বিজয়ী প্ৰতিথযশা সাহিত্যিক, অনুবাদক দিগন্ত বিশ্ব শৰ্মাই ৷ পিছত ৰাজ্যৰ বিভিন্ন প্ৰান্তৰ পৰা অহা ভক্তবৃন্দই শিশু গৰখীয়াসকলক প্ৰসাদ আৰু ভোগৰ লগতে লাৰু-পিঠাকে ধৰি বিভিন্ন সামগ্ৰী আগবঢ়ায়৷
প্ৰেৰক শৈলেন বৰ্মন