নিয়মীয়া বাৰ্তা, ৫ জুনঃ সমগ্ৰ বিশ্বই আজি পৰিৱেশ দিৱস উদযাপন কৰিছে।যোৰহাট জিলাৰ উপায়ুক্ত পুলক মহন্তৰ “মৰমৰ যোৰহাট” প্ৰকল্পৰ আধাৰত পৰিৱেশ দিৱস উপলক্ষে নগৰৰ পাৰ্শ্বৱৰ্তী ১৩৩নং বঙাল পুখুৰী আদৰ্শ প্ৰাথমিক বিদ্যালয়ৰ শিক্ষক-শিক্ষয়িত্ৰী, ছাত্ৰ-ছাত্ৰীসকলে বিদ্যালয় চৌহদত ১২৫টা তুলসী পুলি ৰোপণ কৰে। এই উপলক্ষে অনুষ্ঠিত কাৰ্যসূচীত প্লাষ্টিকৰ ব্যৱহাৰ আৰু অপকাৰিতা সম্পৰ্কে বক্তৱ্য আগবঢ়ায় প্ৰধান শিক্ষয়িত্ৰী দেৱাক্ষী শইকীয়াই।অনুষ্ঠানত সমাজকৰ্মী চফল কুমাৰ খাউণ্ড, গাঁওপ্ৰধান দিগন্ত বৰুৱা, কেন্দ্ৰ মণ্ডল সমন্বয়ক উপাসনা শইকীয়া, অৱসৰপ্ৰাপ্ত প্ৰধান শিক্ষক বিনয় কুমাৰ শইকীয়া প্ৰমুখ্যে ভালেসংখ্যক লোক উপস্থিত থাকে। থলীতে ছাত্ৰ-ছাত্ৰীৰ মাজত চিত্ৰাংকন প্ৰতিযোগিতা অনুষ্ঠিত হয়।
প্ৰেৰক নৱজ্যোতি তামুলী