নিয়মীয়া বাৰ্তা, ১ আগষ্ট : ৰূপহীহাটত চোৰাং গৰুৰ বিৰুদ্ধে আৰক্ষীৰ অভিয়ান অব্যাহত আছে ৷ ৰূপহীহাট আৰক্ষীয়ে এক গোপন সূত্ৰৰ পম খেদি গেৰেকীত চোৰাং গৰুৰ বিৰুদ্ধে চলায় এক অভিয়ান ৷ আৰক্ষীৰ অভিযানত জব্দ হয় ১৮টাকৈ চোৰাং গৰু । ৰূপহীহাট আৰক্ষীয়ে গেৰেকীৰ শ্বাহাৰুল ইছলাম নামৰ ব্যৱসায়ীজনৰ ঘৰৰ পৰা জব্দ কৰে ১৮টা চোৰাং গৰু। আৰক্ষীৰ উমান পাই পলায়ন কৰে গৰু সৰবৰাহকাৰী শ্বাহাৰুল ইছলামে। জব্দকৃত গৰুকেইটা গেৰেকী গাঁওৰক্ষী বাহিনীক চমজাই দিয়ে আৰক্ষীয়ে। ৰূপহীহাট আৰক্ষীয়ে বাৰে বাৰে গৰু জব্দ কৰিবলৈ সক্ষম হয় যদিও ব্যৰ্থ হয় সৰবৰাহকাৰীক আটক কৰিবলৈ ৷
প্ৰেৰক জহিৰুল ইছলাম