নিয়মীয়া বাৰ্তা, ২৬ ডিচেম্বৰঃ লাহৰীঘাটৰ ভূৰাগাঁও আৰক্ষীৰ অভিযানত হস্তনিৰ্মিত পিষ্টলসহ দুজনক গ্ৰেপ্তাৰ কৰিছে। গোপন খবৰৰ ভিত্তিত ভূৰাগাঁও আৰক্ষী থানাৰ ভাৰপ্ৰাপ্ত বিষয়া হেমন্ত বৰগোঁহাইৰ নেতৃত্বত যোৱা এটি আৰক্ষীৰ দলে ফলিহামাৰী পামত আবুল কালামৰ ঘৰত অভিযান চলাই হস্তনিৰ্মিত পিষ্টল জব্দ কৰে লগতে দুজনক গ্ৰেপ্তাৰ কৰে। ধৃত দুজন হল আবুল কালাম আৰু মাৰফাজুল ইছলাম। কি কাৰণত ঘৰত পিষ্টল ৰাখিছে জানিব পৰা নাই যদিও ভূৰাগাঁও আৰক্ষীয়ে তদন্ত অব্যাহত ৰাখিছে।
প্ৰেৰক আবুল কালাম