নিয়মীয়া বাৰ্তা, ৪ জানুৱাৰী : কাছাৰ জিলাৰ বৰখলাৰ দামচৰা কালভাৰ্টৰ তলৰ পৰা উদ্ধাৰ কৰা হয় ১১ হাজাৰৰো অধিক কফ ছিৰাফ । শুকুৰবাৰে গভীৰ নিশা বিশ্বাসযোগ্য চোৰাংচোৱাৰ খবৰৰ ভিত্তিত কাছাৰ আৰক্ষীয়ে বৰখলা থানাৰ অন্তৰ্গত দামচৰাৰ ঘাইপথৰ কালভাৰ্টৰ তলত লুকাই ৰখা নিচাজাতীয় কফ ছিৰাপ উদ্ধাৰ কৰে। আৰক্ষী অধীক্ষক নোমল মাহাত্তাৰ নেতৃত্বত চলোৱা অভিযানত ৭৪টা কাৰ্টন উদ্ধাৰ কৰা হয়। প্ৰতিটো কাৰ্টনত আছিল ১৫০টা বটল আৰু মুঠ ১১,১০০টা বটল ক’ডেইনভিত্তিক কফ ছিৰাপ। আৰক্ষীৰ সূত্ৰ অনুসৰি, ক’লা বজাৰত কফ ছিৰাপখিনিৰ মূল্য প্ৰায় ২ কোটি টকা। এই ঘটনা সন্দৰ্ভত অধিক তদন্ত অব্যাহত আছে।
প্ৰেৰক গৌতম তালুকদাৰ