নিয়মীয়া বাৰ্তা ১৬ অক্টোবৰঃ দেশৰ অন্যতম সন্মানীয় চলচ্চিত্র মহোৎসৱ ‘২৬সংখ্যক কলিকতা আন্তর্জাতিক চলচ্চিত্র মহোৎসৱ’ৰ বাবে নির্বাচিত হৈছে বিশ্বজিৎ বৰা পৰিচালিত ‘বেলকনীত ভগৱান’৷
চলচ্চিত্র মহোৎসৱখনৰ ‘নেচনেল কম্পিটিচন অন ইণ্ডিয়ান লেংগুৱেজ’ শাখাৰ প্রতিযোগিতাত এই ছবিখনে অংশ ল’ব৷ ছবিখনৰ ইংৰাজী ছাব–টাইটেল ৰখা হৈছে ‘গড অন দ্য বেলকনী’৷ অহা ৫ নৱেম্বৰৰ পৰা ১২ নৱেম্বৰলৈ হ’বলগীয়া ‘২৬সংখ্যক কলিকতা আন্তর্জাতিক চলচ্চিত্র মহোৎসৱ’ৰ জৰিয়তে ‘বেলকনীত ভগৱান’ৰ ৱ’ল্ড প্রিমিয়াৰো হ’ব৷
উল্লেখ্য যে ছবিখন প্রযোজনা কৰিছে ‘জেতুকা পাতৰ দৰে’ৰ বাবে ৰাষ্ট্রীয় বঁটা বিজয়ী প্রযোজক নুৰুল চুলতানে৷ছবিখনত অভিনয় কৰাসকলৰ ভিতৰত অন্যতম হ’ল– মুম্বাইৰ হৰিশ খান্নাৰ উপৰি অসমৰ দীনেশ দাস, অৰুণ হাজৰিকা, ৰাজীৱ ক্র’, প্রণামী ভাৰতী, শোণিত বৰা, পৰিনান্ধি জিমা চুলতানা, পৱিত্র বৰুৱা, মন্ত্রী অতুল বৰা, জ্যেষ্ঠ অধিবক্তা বিজন মহাজন আদি৷