নিয়মীয়া বাৰ্তা, ১৪ নৱেম্বৰ : মানকাচৰৰ ফকিৰঘাটত আৰক্ষীৰ অভিযানত ঝাণ্ডি-মুণ্ডা জুৱা খেলৰ সামগ্ৰীসহ আটক কৰে ৩ জুৱাৰীক । ধৃত জুৱাৰী তিনিজন ডাকেৰ গাঁৱৰ খুকা মিয়াৰ পুত্ৰ নুৰ কালাম, আবুল কালাম আৰু কাকৰীপাৰা গাঁৱৰ খাইৰুল হকৰ পুত্ৰ হাকিমদ্দিন। জুৱাৰী তিনিজনৰ পৰা নগদ ২৯৪০ টকা জব্দ কৰে আৰক্ষীয়ে। নিশাৰ ভাগত জুৱা খেলি থকা অৱস্থাত মানকাচৰ আৰক্ষী থানাৰ আৰক্ষীয়ে ফকিৰঘাটৰ জুৱাৰ ঘাটিত অভিযান চলাই জুৱাৰ সামগ্ৰী জব্দ কৰাৰ লগতে আটক কৰে জুৱাৰী তিনিটাক। আজি জুৱাৰীত্ৰয়ক হাটশিঙিমাৰী ন্যায়িক আদালতলৈ প্ৰেৰণ কৰিব বুলি জানিব পৰা গৈছে।
প্ৰেৰক ফাৰহাদ আহমেদ