নিয়মীয়া বাৰ্তা, ৪ জুলাই : সদৌ অসম ভূমিজ সমাজৰ যোৰহাট আঞ্চলিক সমিতিৰ উদ্যোগত দুই জুলাইত কৃতী শিক্ষাৰ্থীক সম্বৰ্ধনাৰ এক অনুষ্ঠান সম্পন্ন হৈ যায়। যোৰহাট তথা পশ্চিম যোৰহাটৰ প্ৰতিটো প্ৰাথমিক গোটৰ সহযোগত আয়োজিত অনুষ্ঠানটোত সভাপতিত্ব কৰে কৃষ্ণ ভূমিজে। “২০২২-২৩ বৰ্ষৰ হাইস্কুল শিক্ষান্ত আৰু উচ্চতৰ মাধ্যমিকত সফলতাৰে উতীৰ্ণ হোৱা ৬০গৰাকী ছাত্ৰ-ছাত্ৰীক ফুলাম গামোচা, প্ৰশস্তি পত্ৰৰ লগতে প্ৰত্যেককে এটাকৈ নাহৰৰ পুলিৰ দ্বাৰা সন্মানিত কৰা হয়। সভাত সদৌ অসম ভূমিজ সমাজ কেন্দ্রীয় সমিতিৰ ভাঃ সম্পাদক নিৰেন ভূমিজ, যুৱ কেন্দ্রীয় সমিতিৰ সাঃ সম্পাদক প্ৰকাশ ভূমিজ, মহিলা কেন্দ্রীয় সমিতিৰ উপ-সভানেত্ৰী দীপালী ভূমিজ, যোৰহাট জিলা ভূমিজ সমাজৰ সম্পাদক সুৰেশ চন্দ্র ভূমিজৰ লগতে মধ্য যোৰহাট আঞ্চলিক সমিতিৰ বিষয়ববীয়া তথা পশ্চিম যোৰহাট আঞ্চলিক সমিতিৰ সকলো বিষয়ববীয়া উপস্থিত থাকে।
প্ৰেৰক নৱজ্যোতি তামুলী