বিশেষ বাৰ্তা, ২৫ ছেপ্টেম্বৰ : ৰে’লৰ জৰিয়তে বিভিন্নজনে দীৰ্ঘদিনৰ পৰা সৰবৰাহ কৰি আহিছে বিভিন্ন অবৈধ সামগ্ৰী ৷ ঠিক তেনেদৰেই আজিও সৰবৰাহ কৰিছিল চুপাৰিৰ লগতে পেৰিছ চিগাৰেট আৰু উইনছ চিগাৰেট। কিন্তু দিন বেয়া আছিল সৰবৰাহকাৰীৰ ৷ ডিমাপুৰৰ পৰা তিনিচুকীয়াৰ বিকাশ ভগত নামৰ এজন লোকৰ বাবে কামৰূপ এক্সপ্ৰেছৰ জৰিয়তে সুমন মাহাতো নামৰ এজন যুৱকে সৰবৰাহ কৰি আনোতেই ৰে’লৱে সুৰক্ষা বাহিনীয়ে জব্দ কৰে সামগ্ৰীখিনি ৷ জব্দ কৰা সামগ্ৰীখিনিৰ ভিতৰত আছিল প্ৰায় এক কুইণ্টল ওজনৰ ৪ বস্তা চুপাৰি, ৫০ বাণ্ডিল পেৰিছ চিগাৰেট আৰু ৪৮ বাণ্ডিল উইনছ চিগাৰেট ৷ পৰৱৰ্তী সময়ত ৰে’লৱে সুৰক্ষা বাহিনীয়ে যুৱকজনক আটক কৰাৰ লগতে অব্যাহত ৰাখিছে মাৰাথন জেৰা ৷
প্ৰেৰক বিবেক বড়া