বিশেষ বাৰ্তা, ১৭ ডিচেম্বৰ : আজি দুপৰীয়া যোৰহাটৰ ৰে’লৱে জংচনৰ গুডছ য়াৰ্ডত ট্ৰাকৰ খুন্দাত এজন ব্যক্তিৰ মৃত্যু হয়। মৃত ব্যক্তিজনৰ নাম নীল দাস বুলি জানিব পৰা গৈছে। নীল দাসৰ ঘৰ পানিচকোৱাত। ঘটনাৰ বিৱৰণী মতে, যোৰহাট ৰে’লৱে জংচনৰ গুডছ য়াৰ্ডৰ এখন চিমেণ্ট কঢ়িয়াই অনা ট্ৰাকে আন এখন ৰখাই থোৱা ট্ৰাকক তীব্ৰ জোৰে খুন্দা মাৰে। ৰখাই থোৱা ট্ৰাকখনে আন এখন ট্ৰাকত খুন্দা মৰাৰ পিছত দুয়োখন ট্ৰাকৰ চেপাত মৃত্যুক আঁকোৱালি লয় নীল দাস নামৰ ব্যক্তিজনে। নীল দাস নামৰ ব্যক্তিজনো যোৰহাট ৰে’লৱে জংচনৰ গুডছ য়াৰ্ডৰ এজন ট্ৰাকচালক আছিল। পিছত দাসৰ মৃতদেহ মৰণোত্তৰ পৰীক্ষাৰ বাবে যোৰহাট মেডিকেল কলেজলৈ প্ৰেৰণ কৰা হয়।
প্ৰেৰক ৰঞ্জিত ভূঞা