নিয়মীয়াবাৰ্তা, ২০ মে’ : পলাশবাৰী থানাৰ অন্তৰ্গত বিজয়নগৰ আৰক্ষী চকীত কৰ্তব্যৰত অৱস্থাতেই আৰক্ষী জোৱানৰ অকাল বিয়োগ ঘটা ঘটনাই অঞ্চলজুৰি শোকৰ ছাঁ পেলাইছে। পলাশবাৰী থানাৰ অন্তৰ্গত বিজয়নগৰ আৰক্ষী চকীত কৰ্তব্যৰত আছিল 28 APBNৰ জোৱান কৃপাল ঠাকুৰীয়া। শ্বাস-প্ৰশ্বাসজনিত কাৰণত মৃত্যু হোৱা বুলি ধাৰণা কৰা হৈছে ৫৮ বছৰীয়া কৃপাল ঠাকুৰীয়াৰ। পুৱা বিজয়নগৰ আৰক্ষী চকীৰ সন্মুখতে কৰ্তব্যৰত অৱস্থাত শ্বাস- প্ৰশ্বাসজনিত কাৰণত হঠাতে ঢলি পৰাত বিজয়নগৰস্থিত Life Save হাস্পতাললৈ নিয়া হয় যদিও জোৱানজনে ইতিমধ্যেই শেষ নিশ্বাস ত্যাগ কৰে। মৃত জোৱানজন বৰপেটা জিলাৰ ভৱানীপুৰ কলবাৰীৰ বুলি জানিব পৰা গৈছে। সম্প্ৰতি মৃতদেহটো মৰোণোত্তৰ পৰীক্ষাৰ বাবে জিএমচিএইচলৈ প্ৰেৰণ কৰা হৈছে।
প্ৰেৰক বলেন কলিতা