নিয়মীয়া বাৰ্তা, ২১ জানুৱাৰীঃ পাঠশালা ৰেল ষ্টেচনৰ পশ্চিম প্ৰান্তত ৰাজধানী এক্সপ্ৰেছৰ খুন্দাত এজন কৃতী শিক্ষকৰ থিতাতে মৃত্যু হয়৷ প্ৰাপ্ত খবৰ অনুসৰি পাঠশালাৰ সমীপৰ তিতকা গাঁও নিবাসী তথা পাকা সৰিহ উচ্চতৰ মাধ্যমিক বিদ্যালয়ৰ অসমীয়া বিষয়ৰ বিষয় শিক্ষক কিশোৰ দত্তই চলন্ত ৰেলৰ আগত পৰি আত্মহত্যা কৰে পাৰিবাৰিক কন্দলৰ বাবে এই দুৰ্ভাগ্যজনক ঘটনা সংঘটিত হোৱা বুলি জানিব পৰা গৈছে। অতি অমায়িক শিক্ষকজনে মৃত্যুৰ পূৰ্বে এক টোকা লিখি থৈ যোৱা বুলিও জানিব পৰা হৈছে ঘটনা সংঘটিত হোৱাৰ পাছতে ৰেল আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰে৷ এই ঘটনাই পাঠশালা অঞ্চলত শোকৰ ছাঁ পেলাইছে৷
প্ৰেৰক কল্যাণ কলিতা