নিয়মীয়া বাৰ্তা, ৩ জানুৱাৰীঃ ইংৰাজী নৱবৰ্ষৰ আনন্দ-উল্লাসৰ মাজতে মাৰ্ঘেৰিটাৰ উলুপ পথাৰত ভয়ংকৰ অগ্নিকাণ্ড সংঘটিত হয়। এই অগ্নিকাণ্ডত সম্পূৰ্ণৰূপে ভস্মীভূত হয় এটি বাসগৃহ। প্ৰায় পাঁচ লক্ষ্যাধিক টকাৰ সা-সামগ্ৰী ভস্মীভূত হয় প্ৰভু ৰাখৱাল হৰ নামৰ লোকজনৰ গৃহত অগ্নিকাণ্ড ঘটনা সংঘটিত হয়। উক্ত সময়ত বাসগৃহত ঘৰৰ কোনো লোক মজুত নাছিল। এই অগ্নিকাণ্ডত ঘৰৰ ভিতৰৰ পৰা কোনো সা-সামগ্ৰী বাহিৰলৈ ওলিয়াবলৈ সক্ষম নহল পৰিয়ালটোৱে। বৈদ্যুতিক শ্বৰ্ট চাৰ্কিটৰ ফলতেই অগ্নিকাণ্ড সূত্ৰপাত হোৱা বুলি সন্দেহ প্ৰকাশ কৰিছে পৰিয়ালৰ লোকে। ঘটনাস্থলীত বহু পলমকৈ অগ্নিনিৰ্বাপক গাড়ী উপস্থিত হৈ অগ্নি নিৰ্বাপন চেষ্টা চলাই যদিও জুইৰ লেলিহান শিখাই ইতিপূৰ্বেই বাসগৃহটো সকলো শেষ কৰে। দুৰ্ভগীয়া পৰিয়ালটোৰ বাসগৃহ জুইত ভষ্মিভুত হোৱাত শোকত ভাগি পৰা পৰিলক্ষিত হৈছে।
প্ৰেৰক মানস প্ৰতিম গগৈ