🔹 পশ্চিম কাৰ্বি আংলঙত শোকাৱহ ঘটনা : SDRFৰ অভিযান অব্যাহত
বিশেষ বাৰ্তা, ৩১ মে’ : পশ্চিম কাৰ্বি আংলঙত এক অঘটন সংঘটিত হয় । নৈৰ পানীত উটি গ’ল যুৱক । শুকুৰবাৰে পুৱতি নিশা সংঘটিত হয় এই ঘটনা । প্ৰাপ্ত খবৰ মতে, নিশাৰে পৰা হোৰাহোৰে বাঢ়ি আছে কপিলী নৈৰ পানী । পশ্চিম কাৰ্বি আংলঙৰ সাতগাঁও অঞ্চলৰ নতুন ঘেলানী বস্তি কপিলী নৈৰ বাঢ়নী পানীয়ে প্লাৱিত কৰাৰ সময়তে শুকুৰবাৰে পুৱতি নিশা প্ৰায় দুই বজাত ঘৰৰে এটা হাঁহ পানীৰ পৰা উদ্ধাৰ কৰিবলৈ যায় ৰবীন তেৰাং নামৰ যুৱকজন । তাৰ পাছৰে পৰা সন্ধানহীন হৈ আছে যুৱকজন । কপিলী নৈৰ বাঢ়নী পানীয়ে উটুৱাই নিয়া ৰবীনৰ কোনো শুংসূত্ৰ উলিয়াব পৰা নাই পৰিয়ালবৰ্গই । কপিলী নৈৰ বাঢ়নী পানীয়ে উটুৱাই নিয়া যুৱকজন পশ্চিম কাৰ্বি আংলং জিলাৰ সাতগাঁও ঘেলানী বস্তি নিৱাসী সাংবাদিক জয়ছিং তেৰাঙৰ পুত্ৰ । ঘটনাৰ পাছৰে পৰা যুৱকজনৰ সন্ধানত নামি পৰিছে স্থানীয় লোক। ইতিমধ্যে SDRF বাহিনীয়েও ঘটনাস্থলীত উপস্থিত হৈ অভিযান অব্যাহত ৰাখিছে ।
প্ৰেৰক ৰাজু কাঠাৰ