নিয়মীয়া বাৰ্তা, ২১ মে’ : সদ্যঘোষিত হাইস্কুল শিক্ষান্ত পৰীক্ষা আৰু উচ্চতৰ মাধ্যমিকৰ চুড়ান্ত পৰীক্ষাত কৃতিত্ব অৰ্জন কৰা বড়ো জনগোষ্ঠীৰ কৃতী শিক্ষাৰ্থীক সম্বৰ্ধনা জনায় দোতমা আঞ্চলিক এবছুৱে। আজি দোতমাস্থিত উচ্চতৰ মাধ্যমিক বিদ্যালয়ৰ সভাকক্ষত অনুষ্ঠিত সভাত শিক্ষাৰ্থীসকলক বড়ো জনগোষ্ঠীয় আৰনাই, এবছুত সোণালী জয়ন্তীৰ স্মৃতিগ্ৰন্থ, গোলাপ ফুল আদিৰে সম্বৰ্ধনা জ্ঞাপন কৰে। উক্ত অনুষ্ঠানত উপস্থিত থাকে এবছুৰ কোকৰাঝাৰ জিলা সভাপতি কৃপেশ দৈমাৰী, কেন্দ্ৰীয় শিক্ষা সৌমছা বসুমতাৰী আদিৰ লগতে এবছুৰ দোতমা আঞ্চলিক সভাপতি লৈহৰ ব্ৰহ্মৰ লগতে বিভিন্ন স্তৰৰ নেতা কৰ্মীসকল। আজিৰ অনুষ্ঠানতেই ৭৫জন শিক্ষাৰ্থীক সম্বৰ্ধনা জনায়।
প্ৰেৰক কৃষ্ণ বৰ্মন