নিয়মীয়া বাৰ্তা, ১৯ আগষ্ট: ৰাজ্যখনৰ জনসাধাৰণে সম্প্রতি ভয়াৱহ বানপানীকে ধৰি অন্যান্য কিছুসংখ্যক জটিল সমস্যাৰ সন্মুখীন হৈ থকাৰ সময়তে বলীউডৰ জনপ্রিয় অভিনেতা অক্ষয় কুমাৰে মুখ্যমন্ত্রীৰ সাহায্য পুঁজিলৈ ১ কোটি টকাৰ অনুদান আগবঢ়াইছে৷ মুখ্যমন্ত্রী সর্বানন্দ সোণোৱালে জনপ্রিয় তথা প্রসিদ্ধ অভিনেতাজনে এই জটিল সন্ধিক্ষণত অসমলৈ আগবঢ়োৱা সহায়–সহযোগিতাৰ বাবে তেওঁক আন্তৰিক ধন্যবাদ জ্ঞাপন কৰে৷
উল্লেখ্য যে যোৱা বছৰো বলীউডৰ ছুপাৰ ষ্টাৰজনে অসমৰ বানপীড়িতৰ সহায়ৰ বাবে মুখ্যমন্ত্রীৰ সাহায্য পুঁজিলৈ ১ কোটি টকা আৰু কাজিৰঙাৰ বন্যপ্রাণীৰ উদ্ধাৰ তথা সুৰক্ষাৰ বাবে ১ কোটি টকাৰ বৰঙণি আগবঢ়াইছিল৷