নিয়মীয়া বাৰ্তা, ১৮ মাৰ্চঃ ৰূপহীহাটৰ পূৱ লৰিৰমুখ গাঁৱৰ হজৰত আলীৰ পুত্ৰ আমিৰ হামজা (২২) কালি চেহৰী খাই মছজিদত ফজৰ নামাজ পঢ়িবলৈ গৈ সন্ধানহীন হৈ আছে ৷ আমিৰ হামজা যোৱানিশাৰ পৰা সন্ধানহীন হোৱাৰ বাবেই মাতৃয়ে হিয়া উজাৰি কান্দিছে। যুৱকজন সন্ধানহীন হোৱা ঘটনাই অঞ্চলজুৰি তীব্ৰ চাঞ্চল্যই বিৰাজ কৰিছে। ঘটনা সন্দৰ্ভত আমবাগান আৰক্ষী পহৰা চকীত এখন এজাহাৰ দাখিল কৰিছে পৰিয়ালৰ লোকে ৷ পৰিয়ালৰ লোকে ওচৰ-চুবৰীয়া, আত্মীয় স্বজন তথা বন্ধুবৰ্গৰ লগতে বহু বিচাৰ-খোঁচাৰ কৰাৰ পিছতো সন্ধান পোৱা নাই আমিৰ হামজাৰ। কোনো সদাশয় ব্যক্তিয়ে যদি আমিৰ হামজাৰ কোনো সন্ধান পায়, তেনেহলে ৯১০১৪৮৩১১৫/৮৪৮৬৭১৭৬৫৪ অথবা ৭০০২৭৮০৯৯২ নম্বৰত যোগাযোগ কৰিবলৈ পৰিয়ালৰ লোকে কাতৰ আহ্বান জনাইছে ৷
প্ৰেৰক জহিৰুল ইছলাম