নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

বান্দৰদেৱাত অৰুণাচলীৰ তাণ্ডৱ, মাছ ক্ৰয় কৰিবলৈ আহি মৎস্য ব্যৱসায়ীক উপৰ্যুপৰি চোকা অস্ত্ৰৰে প্ৰহাৰ

নিয়মীয়া বাৰ্তা, ৩ এপ্ৰিলঃ অসম-অৰুণাচলৰ সীমা বিবাদৰ সামন্তৰালকৈ অসমৰ ভূমিত আহি অৰুণাচলীয়ে সঘনাই উপদ্ৰৱ চলোৱাটো নতুন নহয়। শেহতীয়াকৈ লখিমপুৰ জিলাৰ অসম-অৰুণাচল সীমাৰ বান্দৰদেৱাত এজন মৎস্য ব্যৱসায়ীক এজন অৰুণাচলীয়ে আহি ব্যৱসায় স্থলীতে উপয্যুপৰি চোকা অস্ত্ৰৰে প্ৰহাৰ কৰি এক অভাবনীয় পৰিস্থিতিৰ সৃষ্টি কৰে।জানিব পৰা মতে এজন অৰুণাচলীয়ে বান্দৰদেৱাৰ স্থায়ী মাছৰ বজাৰত মাছ ক্ৰয় কৰিবলৈ আহি মাছ টকা নিদিয়াকৈ মাছ লবলৈ বিছৰাত মৎস্য ব্যৱসায়ী প্ৰায় ৩৫ বৰ্ষীয় যোৰহাট বড়ী গাঁৱৰ অৰুণ দাসক মুৰ, হাতত উপয্যুপৰি চোকা অস্ত্ৰৰে প্ৰহাৰ কৰে। আনকি অৰুণাচলী তথা বান্দৰদেৱা কাৰ্চিছাৰ পাছাং ন্যিয়াই অৰুণৰ লগতে তেওঁৰ পত্নীকো প্ৰহাৰ কৰে। পতি পত্নী দুয়োজনে আঘাতপ্ৰাপ্ত হোৱাত দুয়োকে সম্প্ৰতি চিকিৎসালয়লৈ প্ৰেৰণ কৰিছে যদিও অৰুণ দাসৰ অৱস্থা অতি সংকটজনক। ইফালে অৰুণাচলীয়ে আহি নিবিঘ্নে অসমৰ ভূমিত আহি ব্যৱসায়ীক আক্ৰমণ কৰাত স্থানীয় শতাধিক ব্যৱসায়ী ৰাজপথলৈ ওলাই আহি অসমৰ মাটিৰে অৰুণাচলৰ যান বাহন চলাচল বন্ধ কৰিবলৈ পথ অৱৰোধ কৰাত অৰুণাচলৰ কৰ্ম্মৰত চি আৰ পি এফ বাহিনীয়ে অসমৰ মাটিত অৱৰোধকাৰীক লাঠি চাৰ্জ কৰাৰ লগতে ব্যৱসায়ীক মাৰপিট কৰাত পৰিস্থিতি অধিক অৱনতি ঘটে।
প্ৰেৰক মুকুল ভূঞা
You might also like