নিয়মীয়া বাৰ্তা, ১৩ মাৰ্চ : মিজো দুৰ্বৃত্তৰ আগ্ৰাসনক লৈ পুনৰ উত্তপ্ত হৈ পৰিছে অসম-মিজোৰাম সীমান্তৰ হাইলাকান্দি। হাইলাকান্দি জিলাৰ চাহেবমাৰা ফৰেষ্ট অঞ্চলত বহু মূল্যৱান গছ গছনি কাটি দুটাকৈ ঘৰ নিৰ্মাণ কৰিছে মিজো দুৰ্বৃত্তৰ দলে । কালি এই খবৰ পাই অসম আৰক্ষীৰ বৃহত্তৰ এটা দল ঘটনাস্থলীত উপস্থিত হৈছিল যদিও কিন্তু মিজো আৰক্ষী আৰু দুৰ্বৃত্তৰ ভয়ত উভতি আহিব লগা হল। আকৌ মিজো আগ্ৰাসনৰ ভয়ত শংকিত হৈ পৰিছে সীমান্ত অঞ্চলৰ অসমৰ ৰাইজ। এই ঘটনাক লৈ দক্ষিণ হাইলাকান্দি জুৰি তীব্ৰ চাঞ্চল্যৰ সৃষ্টি হৈছে ।
প্ৰেৰক গৌতম তালুকদাৰ