বিশেষ বাৰ্তা, ২৩ ডিচেম্বৰ : আজি প্ৰাক্তন মুখ্যমন্ত্ৰী প্ৰফুল্ল কুমাৰ মহন্তৰ চৰকাৰী বাসগৃহত উপস্থিত হয় মন্ত্ৰী অতুল বৰা আৰু কেশৱ মহন্ত। জন্মদিনৰ শুভেচ্ছা জনাবলৈ প্ৰাক্তন মুখ্যমন্ত্ৰীগৰাকীৰ চৰকাৰী বাসগৃহত উপস্থিত হয় মন্ত্ৰী অতুল বৰা আৰু কেশৱ মহন্ত। ৭১ বছৰীয়া জন্মদিনত শুভেচ্ছা জনাবলৈ প্ৰাক্তন মুখ্যমন্ত্ৰীজনৰ বাসগৃহত উপস্থিত হৈ অগপ নেতৃত্বই প্ৰফুল্ল কুমাৰ মহন্তলৈ জন্মদিনৰ শুভেচ্ছা জ্ঞাপন কৰে। মন্ত্ৰী কেশৱ মহন্তই এই প্ৰসংগত কয় যে অসমত আঞ্চলিকতাবাদৰ উত্থান ঘটোৱা প্ৰাক্তন মুখ্যমন্ত্ৰী, ‘অসম গণ পৰিষদ’ৰ প্ৰতিষ্ঠাপক সভাপতি তথা সদৌ অসম ছাত্ৰ সন্থাৰ প্ৰাক্তন সভাপতি প্ৰফুল্ল কুমাৰ মহন্তক সতীৰ্থ মন্ত্ৰী তথা অসম গণ পৰিষদৰ সভাপতি অতুল বৰাৰ সৈতে আজি পুৱা চৰকাৰী বাসগৃহত উপস্থিত হৈ জন্মদিনৰ শুভেচ্ছা জনালোঁ৷