নিয়মীয়া বাৰ্তা ডিজিটেল, ২০ ডিচেম্বৰঃ চাপৰৰ ধীৰঘাটস্থিত ১৭নং ৰাষ্ট্ৰীয় ঘাইপথত সংঘটিত হৈছে এক ভয়ংকৰ পথ দুৰ্ঘটনা। ঘটনাৰ বিৱৰণী মতে, মালবাহী বলেৰো বাহন এখনে মহটিয়াই লৈ গ’ল এগৰাকী কিশোৰীক। ফলত থিতাতে নিহত হয় কিশোৰীগৰাকী। নিহত কিশোৰগৰাকী বৰকান্দাৰ ফকিৰানিঝাৰৰ আয়েশা খাতুন (১০) বুলি জানিব পৰা গৈছে। উল্লেখ্য যে কিশোৰীগৰাকীৰ ভাতৃ ধীৰঘাটৰ মমতা ইটা উদ্যোগত কৰ্মৰত। সেই সূত্ৰে ভগ্নী আয়েশা খাতুন ভায়েকৰ তাত কেইদিনমান পূৰ্বে ফুৰিবলৈ আহিছিল। ইটা উদ্যোগৰ ওচৰতে বজাৰ কৰিব গৈ ওভতাৰ ফলত বলেৰো বাহন এখনে মহটিয়াই লৈ গ’ল কিশোৰীগৰাকীক। ঘটনা সংঘটিত কৰা বলেৰো বাহনখনৰ নম্বৰ হৈছে AS-16-AC-4799। ইফালে ঘটনাস্থলীত চাপৰ আৰক্ষী উপস্থিত হৈ মৃতদেহ আৰু বাহনখন চাপৰ থানলৈ লৈ যায়।