নিয়মীয়া বাৰ্তা, ১৩ নবেম্বৰঃ বিগত ৫মাহে জ্বলি আছে বাঘজানৰ জুই। ৯ জুনৰ পৰা নিৰন্তৰভাৱে বাঘজানৰ তৈল্যক্ষেত্ৰৰ জুই নুমুৱাবলৈ চেষ্টা অব্যাহত ৰাখিছে অইল ইণ্ডিয়াই।
বাঘজানৰ ৫নং তৈল্যখাদৰ জুই নুমুৱাবলৈ বিদেশী বিশেষজ্ঞৰ সহায়ত চেষ্টা অব্যাহত ৰাখিছে। এই পদক্ষেপে আগন্তুক ৩-৪দিনত জুই নিৰ্বাপন কৰিবলৈ সক্ষম হ’ব বুলি আশা প্ৰকাশ কৰা হৈছে।
ছিংগাপুৰস্থিত এলাৰ্ট ডিজাষ্টাৰ কন্ট্ৰোল নামৰ প্ৰতিষ্ঠানটোৰ কেইবাগৰাকীও অভিযন্তাই দিনে-নিশাই তেলখাদটোৰ জুই নুমুৱাবলৈ অভিযান অব্য়াহত ৰাখিছে। উল্লেখযোগ্য যে বিগত ৫ মাহ ৪দিন ধৰি জ্বলি থকা জুই নুমুৱাবলৈ সক্ষম হোৱা নাই অইল ইণ্ডিয়া লিমিটেড।