এন টি পি ছিৰ উদ্যোগত কাজলগাঁও প্ৰেছ ক্লাব চৌহদ ছেনিটাইজ

নিয়মীয়া বাৰ্তা, ১৫ মেঃ কোকৰাঝাৰ জিলাৰ চালাকাটিস্থিত এন টি পি ছিৰ উদ্যোগত আজি কাজলগাঁও প্ৰেছ ক্লাব চৌহদ ছেনিটাইজ কৰাৰ লগতে সংবাদ কৰ্মীক মাস্ক আৰু ছেনিটাইজাৰ প্ৰদান কৰে। এন টি পি ছিৰ সহকাৰী মহা প্ৰবন্ধক (এইচ আৰ) অনিল চাওলা       আৰু উপ প্ৰবন্ধক (কৰ্পৰেট কমিউনিকেচন)           প্ৰিয়ংকা ভূঞাই আজি বিয়লি কাজলগাঁও প্ৰেছ ক্লাবত উপস্থিত হৈ সংবাদ কৰ্মী সকলৰ সৈতে মত বিনিময় কৰে। ক’ভিড ১৯ প্ৰতিৰোধী অভিযানত চিকিৎসা কৰ্মী, আৰক্ষী আৰু অৰ্ধসামৰিক বাহিনীৰ লগতে সংবাদ কৰ্মী সকলে আগবঢ়োৱা কৰ্তব্যৰ ভূয়সী প্ৰশংসা কৰি বিষয়াদ্বয়ে  কৃতজ্ঞতা জ্ঞাপন কৰে। এন টি পি ছিৰ হৈ সহকাৰী মহা প্ৰবন্ধক  চাওলাই  থলুৱা ভাৱে প্ৰস্তুত কৰা কিছু মাস্ক আৰু চেনিটাইজাৰ প্ৰেছ ক্লাবৰ সদস্য তথা সংবাদ কৰ্মীৰ বাবে প্ৰদান কৰে। প্ৰেছ ক্লাবৰ হৈ সভাপতি বিপুল কুমাৰ দাসে সামগ্ৰী খিনি গ্ৰহণ কৰে। তাৰ পূৰ্বে প্ৰেছ ক্লাবৰ হৈ উপ সভাপতি আবুবক্কৰ ছিদ্দিক আৰু সম্পাদক সঞ্জয় কুমাৰ সৰকাৰে চাওলা আৰু ভূঞাক একোখন ফুলাম গামোচাৰে আদৰণি জনায় । এন টি পি ছিয়ে কাজলগাঁও প্ৰেছ ক্লাব চৌহদ চেনিটাইজকৰণ কৰাত সংবাদ কৰ্মী সকলে এন টি পি ছিৰ শলাগ লয় ।।