নিয়মীয়া বাৰ্তা ডিজিটেল, ২৯ জানুৱাৰীঃ বিজেপিৰ কৃষক মৰ্চা অসম প্ৰদেশৰ উদ্যোগত আৰু গুৱাহাটী মহানগৰ সমিতিৰ সহযোগত পথৰুঘাটৰ কৃষক শ্বহীদলৈ শ্ৰদ্ধাঞ্জলি জনোৱাৰ উদ্দেশ্যে কালি দীঘলী পুখুৰী পাৰত কৃষক মৰ্চাৰ ৰাজ্যিক সাধাৰণ সম্পাদক ৰঞ্জিত ভট্টাচাৰ্যৰ উপস্থিতিত ১৪০জন শ্বহীদ কৃষকক ১৪০ গছি মাটিচাকি প্ৰজ্বলনেৰে তেওঁলোকক সুঁৱৰি এক বন্তি প্ৰজ্বলন অনুষ্ঠানৰ আয়োজন কৰা হয়। এই অনুষ্ঠানত কৃষক মৰ্চাৰ বহুকেইগৰাকী ৰাজ্যিক বিষয়ববীয়াৰ লগতে মহানগৰ জিলা সমিতিৰ জিলা সভাপতি, বিষয়ববীয়া, বিভিন্ন কোষৰ আহ্বায়ক আৰু সহঃ আহ্বায়ক,জিলা কাৰ্যনিৰ্বাহক সদস্য, আমন্ত্ৰিত সদস্য, বিশেষ আমন্ত্ৰিত সদস্য আৰু জিলা সমিতিৰ বহুসংখ্যক কাৰ্যকৰ্তা উপস্থিত থাকে। ইয়াৰ উপৰি কৃষক মৰ্চা অসম প্ৰদেশৰ আহ্বান মৰ্মে অসমৰ প্ৰায়সংখ্যক সাংগঠনিক জিলাত পথৰুঘাটৰ এই কৃষকসকলক শ্ৰদ্ধাঞ্জলি জনাই বন্তি প্ৰজ্বলন কাৰ্যসূচীৰে পালন কৰে।