নিয়মীয়া বাৰ্তা, ৩০ ছেপ্টেম্বৰ : ১ অক্টোবৰত তিনিচুকীয়া জিলা দিৱসৰ লগত সংগতি ৰাখি শনিবাৰে পুৱা ১০ বজাৰ পৰা দিনজোৰা কাৰ্য্যসূচীৰে মাৰ্ঘেৰিটা অসামৰিক চিকিৎসালয়ত এক ৰক্তদান শিবিৰ অনুষ্ঠিত হয়। এই ৰক্তদান শিবিৰ ডিগবৈ এফ আৰ ইউ আৰু মাৰ্ঘেৰিটা এফ আৰ ইউৰ সহযোগত অনুষ্ঠিত হয় বুলি মাৰ্ঘেৰিটা অসামৰিক চিকিৎসালয়ৰ অধ্যক্ষ সনথ দত্তই সংবাদ মাধ্যমক জানিবলৈ দিয়ে। আজিৰ কাৰ্য্যসূচীত স্থানীয় বিদ্যালয়-মহাবিদ্যালয়ৰ একাংশ ছাত্ৰ-ছাত্ৰী, ভাৰতীয় সেনাৰ একাংশ জোৱান, মাৰ্ঘেৰিটা সাংবাদিক সন্থাৰ একাংশ সদস্যৰ উপৰি স্বেচ্ছাই কেইবাগৰাকীও ব্যক্তিয়ে ৰক্তদান কৰে। আজিৰ কাৰ্য্যসূচীত মাৰ্ঘেৰিটা মহকুমা প্ৰশাসনে সহযোগ আগবঢ়োৱাৰ লগতে সহকাৰী আয়ুক্ত প্ৰীতম গগৈ উপস্থিত থাকে।
প্ৰেৰক মানস প্ৰতিম গগৈ