নিয়মীয়া বাৰ্তা, ২১ আগষ্টঃ আজিৰ পৰা ধুবুৰীতো আৰম্ভ হ’ল আৰক্ষীৰ বিএমআই টেষ্টৰ কাম। ধুবুৰীৰ আৰক্ষী ছাউনিত আজি পুৱাৰ পৰা আৰম্ভ হোৱা সেই পৰীক্ষাত অংশ লোৱা দেখা যায় ধুবুৰীৰ আৰক্ষী অধীক্ষক নবীন সিং। ধুবুৰীৰ এই আৰক্ষী ছাউনিতে জিলাখনৰ উচ্চপদস্থ আৰক্ষী বিষয়াকে ধৰি ধুবুৰী জিলাত কৰ্মৰত প্ৰতিগৰাকী আৰক্ষীৰ বিএমআই টেষ্ট কৰা হ’ব। জানিব পৰা মতে, ধুবুৰীত ৩১ আগষ্টলৈকে চলিব জিলাখনৰ আৰক্ষীৰ এই বিএমআই টেষ্টৰ কাম।
প্ৰেৰক অমিতাভ চক্ৰৱৰ্তী