নিয়মীয়া বাৰ্তা, ১১অক্টোবৰ: জোনাইত সোমবাৰৰ নিশা সংঘটিত হৈছে এক শোকাৱহ নাও দুৰ্ঘটনা৷ এগৰাকী এবছৰীয়া শিশু নিখোজ৷ ঘটনা অনুসৰি জোনাই চিমেন চাপৰিৰ কাংকান চাপৰিৰ পৰা এখন টুলুঙা নাওৰে ৭ জন লোক লম্বা চাপৰিলৈ গৈ থকা সময়তে উক্ত শোকাৱহ দুৰ্ঘটনাতো সংঘটিত হয়৷ নাওত থকা ৭ জনৰ ভিতৰত ৪ গৰাকী পুৰুষ আৰু এগৰাকী মহিলাসহ এজন কিশোৰ সুকলমে বাচি যায় যদিও এবছৰীয়া এগৰাকী কন্যা শিশু বৰ্তমানলৈ নিখোজ হৈ আছে।
ঘটনা স্থলীত জোনাই আৰু ধেমাজি SDRF আৰু অগ্নি নিৰ্বাপক বাহিনী উপস্থিত হৈ উদ্ধাৰ অভিযান আৰম্ভ কৰিছে। সন্ধানহীন কন্যা শিশুটি অমিয় দলেৰ এবছৰীয়া কন্যা ঐকনেং দলে বুলি জানিব পৰা গৈছে৷