নিয়মীয়া বাৰ্তা, ৩০ ডিচেম্বৰঃ অসম বিধানসভাৰ শীতকালীন অধিৱেশনৰ আজি অন্তিমটো দিনত গৃহীত হ’ল দ্য আসাম অফিচিয়েল লেংগুৱেজে (এমেণ্ডমেণ্ট) বিল, ২০২০ ৷ এই প্ৰক্ৰিয়াৰে আজিৰে পৰা অসমত বড়ো ভাষা সহযোগী ভাষা হিচাপে স্বীকৃতিপ্ৰাপ্ত হ’ল ৷
উল্লেখ্য যে বি টি আৰ চুক্তিমৰ্মে বড়ো ভাষাক সহযোগী ভাষা হিচাপে স্বীকৃতি দিয়ে অসম বিধানসভাই ৷ এই সন্দৰ্ভত শাসক-বিৰোধী দুয়ো পক্ষই সহমত পোষণেৰে বড়ো ভাষাক অসমৰ সহযোগী ভাষা ৰূপে স্বীকৃতি দিয়াৰ পথ সহজ কৰি তোলে।
উল্লেখ্য ইয়াৰ পূৰ্বে অকল বিটিএডি অঞ্চলতহে বড়ো ভাষা সহযোগী ভাষা ৰূপে প্ৰচলিত আছিল।