নিয়মীয়া বাৰ্তা, ১৪ অক্টোবৰ : ৰূপহীহাটৰ সোণাই নৈত আজি পুৱাৰ ভাগত এটা মৃতদেহ উদ্ধাৰক কেন্দ্ৰ কৰি অঞ্চলজুৰি তীব্ৰ চাঞ্চল্যৰ সৃষ্টি হৈছে ৷ উদ্ধাৰ হোৱা মৃতদেহটো ভকত গাঁৱৰ নীলোৎপল সৰকাৰ (৩০) ওৰফে টিটোৰ বুলি চিনাক্ত কৰা হৈছে ৷ শুকুৰবাৰে নিশাৰ পৰা সন্ধানহীন হৈ আছিল নীলোৎপল নামৰ যুৱকজন ৷ সন্ধানহীন হোৱা যুৱকজনৰ মৃতদেহ আজি সোণাই নৈৰ পৰা উদ্ধাৰ হয় ৷ ঘটনাস্থলীত ৰূপহীহাট আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে নগাঁও মেডিকেল কলেজলৈ প্ৰেৰণ কৰিছে ৷ যুৱকজনৰ মৃত্যুৰ কাৰণ এতিয়াও জানিব পৰা হোৱা নাই ৷ মৰণোত্তৰ পৰীক্ষাৰ পিছত প্ৰকৃত ৰহস্য পোহৰলৈ আহিব ৷
প্ৰেৰক জহিৰুল ইছলাম