বিশেষ বাৰ্তা, ৫ জুলাই : গুৱাহাটীৰ বামুণীমৈদামৰ ৰেলৱে কলনী বজাৰৰ সমীপত ৰেলৰ খুন্দাত এজন অচিনাক্ত যুৱকৰ মৃত্যু হয়। আৰক্ষী সূত্ৰই জনোৱা মতে, বামুণীমৈদামৰ ৰেলৱে কলনী বজাৰৰ সমীপৰ ৰেললাইনত মঙলবাৰে নিশা এটা অচিনাক্ত মৃতদেহ উদ্ধাৰ কৰা হয়। নিশাৰ ভাগত ৰেল লাইনত মৃতদেহটো দেখি নিউ গুৱাহাটী আৰু গুৱাহাটী ৰেল আৰক্ষীক খবৰ দিয়ে। পিছত ঘটনাস্থলীত উপস্থিত হোৱা নিউ গুৱাহাটী ষ্টেচনৰ ৰেল আৰক্ষীয়ে মৃতদেহটো উদ্ধাৰ কৰে। ৰঙা ৰঙৰ টিচাৰ্ট আৰু মাটীয়া ৰঙৰ লংপেণ্ট পৰিধান কৰা ৩৫ বছৰীয়া অচিনাক্ত যুৱকজন ৰেলৰ খুন্দাত মৃত্যু হোৱা বুলি সন্দেহ প্ৰকাশ কৰিছে ৰেল আৰক্ষীয়ে। নিউ গুৱাহাটী ৰেল আৰক্ষীয়ে উদ্ধাৰ কৰা মৃতদেহটো জি এম চি এইচত মৰণোত্তৰ পৰীক্ষা সম্পন্ন কৰি চিনাক্তকৰণৰ বাবে ৭২ ঘণ্টা মর্গত ৰখা বুলি জানিবলৈ দিছে।