নিয়মীয়া বাৰ্তা, ২১ অক্টোবৰ : পৰ্বতঝোৰা মহকুমাৰ অন্তৰ্গত বগৰীবাৰীৰ ঐতিহাসিক মা মহামায়া মন্দিৰত আজি বিটিআৰৰ মুখ্য কাৰ্যবাহী সদস্য প্ৰমোদ বড়োই সপ্তমী পূজা উপলক্ষে উপস্থিত হৈ মা মহামায়াৰ ওচৰত সকলোৰে মংগল কামনা কৰি পূজা-অৰ্চনা কৰে। আজি দিনৰ ভাগত বিটিআৰৰ মুখ্য কাৰ্যবাহী সদস্য প্ৰমোদ বড়োই পোনে পোনে মা মহামায়া মন্দিৰত উপস্থিত হৈ মা মহামায়াৰ ওচৰত আশিস বিচাৰি পূজাত অংশগ্ৰহণ কৰে। আজি সপ্তমী পূজা উপলক্ষে বিটিআৰৰ মুখ্য কাৰ্যবাহী সদস্যই মা মহামায়াৰ ওচৰত পুষ্পাৰ্ঘ্য নিবেদন কৰি সকলোৰ লগত কুশল বিনিময় কৰে। পিছত উপস্থিত থকা সাংবাদিকসকলৰ লগতে আজিৰ কাৰণে ৰাজনৈতিক বাৰ্তালাপ নকৰি দুৰ্গোৎসৱৰ এই শুভ মুহূৰ্তত সকলোৰে মাজত শান্তি, প্ৰগতি, ভাতৃত্ববোধ যাতে অটুট থাকে, তাৰে কামনা কৰে ।
প্ৰেৰক পাৰ্থ সাৰথি চক্ৰৱৰ্তী