নিৰ্বাচন বাৰ্তা, ২৭ মাৰ্চঃ বিধানসভা নিৰ্বাচনৰ আজি প্ৰথম পৰ্যায়ৰ ভোটগ্ৰহণ পুৱা ৭ বজাৰ পৰা অনুষ্ঠিত হৈছে। ১২ খন জিলাৰ মুঠ ৪৭ টা সমষ্টিত অনুষ্ঠিত ভোটগ্ৰহণ প্ৰক্ৰিয়াত দিনৰ ২ বজালৈ ৪৫.২৪ শতাংশ ভোটদান সম্পন্ন হৈছে। উল্লেখ্য, এই নিৰ্বাচনত ২৬৪ গৰাকী প্ৰাৰ্থীৰ ভাগ্য বন্দী হ’ব ইভিএমত ৷ উল্লেখ্য যে ভোটগ্ৰহণৰ প্ৰথম আঢ়ৈ ঘন্টাত ২৩.১৫ শতাংশ ভোটদান হৈছিল। সেই হিচাপে ভোটকেন্দ্ৰত বৰ্তমান ভিৰ কিছু কমিছে। সন্ধিয়া ৬ বজালৈ চলিব লগা ভোটগ্ৰহণত ৯০ শতাংশ ভোটদান সম্পন্ন হোৱাৰ আশা কৰা হৈছে।