বাৰ্তা ডিজিটেল ডেস্ক, ১০ জানুৱাৰীঃ মহানগৰী গুৱাহাটীত গুলীচালনাৰ ঘটনা। গুৱাহাটীৰ মাজমজিয়াতেই সংঘটিত হৈছে এই গুলীচালনাৰ ঘটনা। ছিদ্দিক আহমেদ নামৰ যুৱকজনে এই গুলীচালনাৰ ঘটনা সংঘটিত কৰিছে। মহানগৰীৰ চানমাৰিত হৈছিল এই গুলীচালনাৰ ঘটনাটো। ডাবল বেৰেল বন্দুকেৰে শূন্যলৈ গুলীচালনা ছিদ্দিক আহমেদৰ। চানমাৰিৰ নিজৰাপাৰত নিশা সংঘটিত হৈছিল এখন কাজিয়া। পথত পাৰ্কিং কৰা গাড়ী আঁতৰাই নিদিয়া বাবেই লাগিছিল কাজিয়াখন। ছিদ্দিকৰ লগত আছিল কেইবাজনো বন্ধু। আনহাতে, আনখন বাহনত আছিল এগৰাকী যুৱতী আৰু দুই যুৱক। দা, ৰড লৈ যুৱতীসহ দলটোক আক্ৰমণৰ চেষ্টা চলাইছিল ছিদ্দিক বাহিনীয়ে। তাৰ পাছতেই ঘৰৰ ভিতৰৰ পৰা বন্দুক উলিয়াই আনি গুলীচালনা কৰিছিল ছিদ্দিকে। আৰক্ষীয়ে ইতিমধ্যে গ্ৰেপ্তাৰ কৰিছে ছিদ্দিক আহমেদক। লগতে জব্দ কৰিছে বন্দুকটো। ৫ জাঁই গুলীও জব্দ কৰিছে আৰক্ষীয়ে।