নিয়মীয়া বাৰ্তা, ২৩ আগষ্টঃ আজি চন্দ্ৰপৃষ্ঠত চন্দ্ৰযান-৩ৰ অৱতৰণৰ প্ৰাকক্ষণত নগৰবেৰাৰ আদৰ্শ বিদ্যালয়, দুকুচিৰ দুই ছাত্রই চন্দ্রযানখনৰ এক আৰ্হি (মডেল) প্ৰস্তুত কৰি সকলোকে চমক দিছে। আজি প্ৰতিগৰাকী ভাৰতীয়ৰ লগতে ইছৰ’ৰ বৈজ্ঞানিকসকল তথা কৰ্মকৰ্তাসকলক শুভেচ্ছা জনাইছে বিদ্যালয়খনৰ অধ্যক্ষ ড° ৰমেন বায়নে। বিদ্যালয়ৰ ছাত্র-ছাত্রী আৰু কৰ্মচাৰীসকলে চন্দ্ৰপৃষ্ঠত চন্দ্ৰযান-৩ৰ সফল অৱতৰণৰ বাবে ইছৰোক ধন্যবাদ জ্ঞাপন কৰিছে। ভাৰতীয় মহাকাশ বিজ্ঞানীৰ এই সফলতাই প্ৰতিগৰাকী ভাৰতীয়কে গৌৰৱান্বিত কৰিব বুলিও আশা ব্যক্ত কৰে অধ্যক্ষ ড° বায়নে।
প্ৰেৰক সঞ্জীৱ কুমাৰ দাস