নিয়মীয়া বাৰ্তা ডিজিটেল, ২০ ফেব্ৰুৱাৰীঃ অসম আৰক্ষীৰ আৰক্ষী অধীক্ষক পৰ্যায়ত ব্যাপক সালসলনি কৰা হৈছে। সেই অনুসৰি,গোৱালপাৰাৰ আৰক্ষী অধীক্ষক ৰাকেশ ৰেড্ডীক ডিব্ৰুগড়ৰ আৰক্ষী অধীক্ষক হিচাপে বদলি কৰা হৈছে। ডিব্ৰুগড়ৰ আৰক্ষী অধীক্ষক শ্বেতাংক মিশ্ৰাক যোৰহাটৰ আৰক্ষী অধীক্ষকৰ দায়িত্ব অৰ্পণ কৰা হৈছে। যোৰহাটৰ আৰক্ষী অধীক্ষক মোহনলাল মিনা হ’ব বঙাইগাঁৱৰ নতুন আৰক্ষী অধীক্ষক। তামুলপুৰৰ আৰক্ষী অধীক্ষক পংকজ যাদৱ হ’ব বৰপেটাৰ নতুন আৰক্ষী অধীক্ষক। গুৱাহাটী পূবৰ ডিচিপি অক্ষত গাৰ্গক ৰেলৱে পুলিচ আৰক্ষী অধীক্ষক হিচাপে বদলি কৰা হৈছে। ধেমাজিৰ আৰক্ষী অধীক্ষক ৰঞ্জন ভূঞাক কামৰূপৰ আৰক্ষী অধীক্ষক হিচাপে বদলি কৰা হৈছে। বঙাইগাঁৱৰ আৰক্ষী অধীক্ষক স্বপ্ননীল ডেকাক গোৱালপাৰাৰ আৰক্ষী অধীক্ষক হিচাপে বদলি কৰা হৈছে। দিগন্ত কুমাৰ চৌধুৰী হ’ব তামুলপুৰৰ নতুন আৰক্ষী অধীক্ষক। কামৰূপৰ আৰক্ষী অধীক্ষক হিতেশ চন্দ্ৰ ৰয় হ’ব ধেমাজিৰ নতুন আৰক্ষী অধীক্ষক। জগদীশ দাস হ’ব শদিয়াৰ নতুন আৰক্ষী অধীক্ষক। শদিয়াৰ আৰক্ষী অধীক্ষক মৃণাল ডেকা হ’ব গুৱাহাটী পূবৰ নতুন ডিচিপি।