নিয়মীয়া বাৰ্তা, ২০ অক্টোবৰ : মুখ্যমন্ত্ৰী ড০ হিমন্ত বিশ্ব শৰ্মাই কাইলৈ মহা সপ্তমীৰ দিনা হাইলাকান্দি পূজাত অংশগ্ৰহণ কৰিব। মুখ্যমন্ত্ৰী পুৱা ১০:৩৫ বজাত বিশেষ বিমানেৰে শিলচৰ কুম্ভীৰগ্ৰাম বিমানবন্দৰত উপস্থিত হ’ব। তাৰ পিছত পথেৰে হাইলাকান্দিত উপস্থিত হৈ ১১টা পূজা মণ্ডপ চাব। মুখ্যমন্ত্ৰী ড০ শৰ্মাই ভ্ৰমণ কৰিবলগীয়া পূজা মণ্ডপসমূহ হ’ল আশ্ৰম পথৰ ভৈৰৱ বাৰী, লক্ষীশহৰৰ কালিবাৰী, নিউ পাৰাৰ বানেশ্বৰ শিৱ মন্দিৰ, এছ এছ ৰোডৰ বৰৱাৰী কালিমন্দিৰ, হৰবাৰ্ড গঞ্জৰ বজাৰ কালিমন্দিৰ, ১১নং শ্বহীদ সৰণিৰ দুৰ্গাবাৰী, বিবেকানন্দ পথৰ যুৱ সমিতি, গাচ তালা নেতাজী ৰাইচ মিল, হাইলাকান্দি টাউন কটলিচৰা বাছ ষ্টেণ্ড, শিববাৰী মণ্ডপ আৰু ৰামকৃষ্ণ মিছনৰ পূজা মণ্ডপ।বিয়লি ২.৩০ বজালৈকে হাইলাকান্দি চহৰৰ পূজা মণ্ডপ পৰিদৰ্শন কৰিব মুখ্যমন্ত্ৰীয়ে। ইয়াৰ পিছত মুখ্যমন্ত্ৰীৰ ভ্ৰমণ তিনি বজালৈকে সংৰক্ষিত হৈ থাকে। হাইলাকান্দিৰ পৰা তিনি বজাত শিলচৰলৈ ৰাওনা হ’ব মুখ্যমন্ত্রী ড০ শৰ্মা৷
প্ৰেৰক গৌতম তালুকদাৰ