বিশেষ বাৰ্তা, ১১ ছেপ্টেম্বৰঃ মুখ্যমন্ত্রী ড০ হিমন্ত বিশ্ব শৰ্মাই আজি দিছপুৰ পুৰণি বিধায়ক হোষ্টেল চৌহদত বিধায়কসকলৰ বাবে নির্মাণ কৰা এটা বহুমহলীয়া আৱাসিক ভৱন আনুষ্ঠানিকভাৱে মুকলি কৰে৷ ভূমি মহলাত যান-বাহন পার্কিঙৰ সু–ব্যৱস্থা থকা এই ভৱনটোৰ প্রতিটো মহলাত দুটাকৈ আৱাসিক ইউনিটসহ মুঠ ১০টা ইউনিট আছে৷ এনে প্রতিটো ইউনিট ২৯১৭ বর্গফুটৰ৷ বিধায়কসকলৰ বাবে নির্মাণ কৰা এই আৱাসিক ভৱনটো আনুষ্ঠানিকভাৱে মুকলি কৰাৰ সময়ত মুখ্যমন্ত্রীৰ সৈতে বিধানসভাৰ অধ্যক্ষ বিশ্বজিৎ দৈমাৰী, উপাধ্যক্ষ ডাঃ নোমল মমিনৰ উপৰি কেইবাগৰাকীও মন্ত্রী তথা বিধায়ক উপস্থিত থাকে৷