নিয়মীয়া বাৰ্তা, ১৪ মেঃ মুখ্যমন্ত্ৰী ড° হিমন্ত বিশ্ব শৰ্মা আজি উপস্থিত হয় ঐতিহাসিক বাসুদেৱ থান নৰোৱা সত্ৰত৷ আজি পুৱাৰ ভাগতে বাসুদেৱ থানত উপস্থিত হোৱা জনদৰদী মুখ্যমন্ত্ৰীগৰাকীক সত্ৰৰ বাটচৰা মুখতে শৰাই, সঁফুৰা, চেলেং চাদৰ, জাপি আদিৰে উস্ম আদৰণি জনায় সত্ৰ পৰিয়ালৰ লগতে দলীয় নেতা কৰ্মীয়ে ৷ তদুপৰি প্ৰথমবাৰৰ বাবে সত্ৰখনত উপস্থিত হোৱা মুখ্যমন্ত্ৰীগৰাকীক বাটচৰা মুখৰ পৰাই অগণন লোকে ফুল চটিয়াই গায়ন বায়েনেৰে আদৰি অনা নান্দনিক দৃশ্যই সৃষ্টি কৰে মনোমোহা পৰিবেশৰ ৷ অনুষ্ঠানত নৰোৱা সত্ৰৰ সত্ৰাধিকাৰ ভূপেন্দ্ৰ দেৱগোস্বামীৰ লগতে সাংসদ প্ৰদান বৰুৱা, বিধায়কদ্বয় নৱ কুমাৰ দলে আৰু মানৱ ডেকা, কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙকে ধৰি অন্যান্য বিশিষ্ট ব্যক্তি উপস্থিত থাকে।
প্ৰেৰক ৰাজেশ বুঢ়াগোহাঞি