নিয়মীয়া বাৰ্তা, ২৭ আগষ্টঃ অসমৰ জনপ্ৰিয় সুকণ্ঠী গায়িকা অৰ্চনা মহন্তৰ আকস্মিক মৃত্য়ুত সদৌ অসম কেন্দ্ৰীয়-অৰ্ধকেন্দ্ৰীয় কৰ্মচাৰী পৰিষদে গভীৰ শোক প্ৰকাশ কৰিছে। এক প্ৰেছ বিবৃতিত পৰিষদৰ সভাপতি চন্দন কান্ত বৰুৱা আৰু সাধাৰণ সম্পাদক মাধৱ কুমাৰ হাজৰিকাই কয়- ‘সুকণ্ঠী গায়িকাগৰাকীয়ে অসমৰ সংগীত জগত, বিশেষকৈ লোকসংগীতৰ ক্ষেত্ৰত অনন্য অৰিহণা যোগাইছিল।
তেখেতৰ মৃত্য়ুত অসমৰ সংগীত জগতৰ অপূৰণীয় ক্ষতি হ’ল।’ কৰ্মচাৰী পৰিষদে সুগায়িকাগৰাকীৰ বিদেহ আত্মাৰ চিৰশান্তি কামনা কৰাৰ লগতে শোকসন্তপ্ত পৰিয়ালবৰ্গলৈ সমবেদনা জনায়।