মহানগৰ বাৰ্তা, ২৮ জুনঃ নাৰেংগী উচ্চ বিদ্যালয়ৰ পৰা চলিত বৰ্ষত হাইস্কুল শিক্ষান্ত পৰীক্ষাত সুখ্যাতিৰে প্ৰথম বিভাগত উত্তীৰ্ণ হোৱা ২১গৰাকী কৃতী ছাত্ৰ-ছাত্ৰীক আজি অভিনন্দন জনাায় বিদ্যালয় পৰিচালনা সমিতিয়ে।নাৰেংগী উচ্চ বিদ্যালয়ৰ প্ৰধান শিক্ষয়িত্ৰী প্ৰতিমা দাস কাৰ্জিয়ে সভাপতিত্ব কৰা সভাখনত কীৰ্তিমানকেইগৰাকীক ফুলাম গামোচা, গ্ৰন্থ, কলম আৰু মোমেণ্টোৰে অভিনন্দন জনায়। এই অনুষ্ঠানতে ছাত্ৰ-ছাত্ৰীৰ সফলতাৰ আঁৰত থকা শিক্ষাগুৰুসকলকো সম্বৰ্ধনা জনায় পৰিচালনা সমিতিয়ে। গাম্ভীৰ্যপূৰ্ণ অনুষ্ঠানটোত গুৱাহাটী কমাৰ্চ কলেজৰ অৱসৰপ্ৰাপ্ত উপাধ্যক্ষ ড৹ পূৰ্ণ ভট্টাচাৰ্য, বিদ্যালয় পৰিচালনা সমিতিৰ সভাপতি গোকুল গোস্বামী, উপ-সভাপতি প্ৰদীপ কলিতা, বিশিষ্ট সমাজকৰ্মী যোগেন চন্দ্ৰ কলিতা, ভবেন কুমাৰ, বিদ্যালয়ৰ অৱসৰী শিক্ষয়িত্ৰী ৰুণজুণ শইকীয়াৰ উপৰি প্ৰাক্তন ছাত্ৰ তথা সাংবাদিক ৰাজু ক্ৰ উপস্থিত থাকে।উল্লেখ্য যে এইবাৰ বিদ্যালয়খনৰ পৰা ১১২গৰাকী ছাত্ৰ-ছাত্ৰী শিক্ষান্ত পৰীক্ষাত অৱতীৰ্ণ হৈছিল।ইয়াৰে ১১১গৰাকীয়ে উত্তীৰ্ণ হয়।
প্ৰেৰক বিভাষ দাস