নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

ছিপাঝাৰৰ ভাৱনা শৰ্মাক সোণৰ পদক প্ৰদান ৰাজ্যপালৰ, ভট্টদেৱ বিশ্ববিদ্যালয়ৰ দীক্ষান্ত সমাৰোহ

নিয়মীয়া বাৰ্তা, ২ এপ্ৰিল : স্নাতকোত্তৰ পৰীক্ষাৰ ভূগোল বিজ্ঞান বিষয়ত প্ৰথম শ্ৰেণীৰ প্ৰথম স্থান লাভ কৰি কৃতিত্ব অৰ্জন কৰা ভট্টদেৱ বিশ্ববিদ্যালয়ৰ ছাত্ৰী তথা ছিপাঝাৰৰ মেধাবী কন্যা ভাৱনা কাশ্যপক অসমৰ সন্মানীয় ৰাজ্যপাল তথা বিশ্ববিদ্যালয়ৰ আচাৰ্য লক্ষ্মণ প্ৰসাদ আচাৰ্য‌ই  সোণৰ পদক আৰু প্ৰশস্তি পত্ৰ প্ৰদান কৰে ৷ বজালীৰ ভট্টদেৱ বিশ্ববিদ্যালয়ৰ প্ৰথম দীক্ষান্ত সমাৰোহত উক্ত বিশ্ববিদ্যালয়ৰ ২০২৪ বৰ্ষত অনুস্থিত হোৱা স্নাতকোত্তৰ চুড়ান্ত বৰ্ষৰ পৰীক্ষাত কৃতিত্ব অৰ্জন কৰাৰ বাবে এই সন্মান প্ৰদান কৰে। এই অনুস্থানতে আৱাহন থিয়েটাৰৰ মুখ্য প্ৰযোজক কৃষ্ণ ৰয়ক সন্মানীয় ডক্টৰেট ডিগ্ৰী প্ৰদান কৰাৰ লগতে বিশ্ববিদ্যালয়খনৰ দুগৰাকী গৱেষক ছাত্ৰকো ডক্টৰেট ডিগ্ৰী আৰু আন কৃতী ছাত্ৰ-ছাত্ৰীসকলকো সোণৰ পদক প্ৰদান কৰা হয়৷ ৰাজ্যপালৰ লগতে সমাবৰ্ত্তন অনুস্থানত উপস্থিত থাকে মন্ত্ৰী ৰঞ্জিত কুমাৰ দাস, গুৱাহাটী বিশ্ববিদ্যালয়ৰ প্ৰাক্তন উপাচাৰ্য তথা তেজপুৰ বিশ্ববিদ্যালয়ৰ প্ৰাক্তন সম-উপাচাৰ্য, গীতিকাৰ,নাট্যকাৰ, অধ্যাপক অমৰজ্যোতি চৌধুৰী৷ উল্লেখযোগ্য যে ছিপাঝাৰৰ পশ্চিমচুবা নিবাসী অৱসৰী বিজ্ঞান শিক্ষক কৈলাশ চন্দ্ৰ শৰ্মা আৰু কুঞ্জ শৰ্মাৰ জ্যেষ্ঠ কন্যা ভাবনা কাশ্যপে ২০২৫ বৰ্ষত অনুস্থিত হোৱা নেট পৰীক্ষাতো সুখ্যাতিৰে উত্তীৰ্ণ হৈ সহকাৰী অধ্যাপক পদ আৰু পিএইচ.ডি ৰ বাবে যোগ্য বিবেচিত হৈছে আৰু বৰ্তমান মঙলদৈ মহাবিদ্যালয়ত অংশকালীন প্ৰবক্তা হিচাপে শিক্ষাদান কৰি আছে৷ মেধাৱী ছাত্ৰীগৰাকীৰ এই কৃতিত্বত বিভিন্ন ব্যক্তি বিশেষ তথা অনুষ্ঠান প্ৰতিষ্ঠানে অভিনন্দন জ্ঞাপন কৰিছে।
প্ৰেৰক ৰণজিত কুমাৰ নাথ
You might also like