সাধাৰণতে হোষ্টেলৰ ছাত্ৰৰ মাজৰ মাৰপিট কোনো ডাঙৰ ঘটনা নহয়। কিন্তু, কটন বুলি কলেই সকলো বিশেষ। কটনৰ সৰু ঘটনা এটাও সংবাদ শিৰোনামলৈ আহে, চৰ্চাৰ বিষয় হৈ পৰে। তেনে এক ঘটনাৰ বাবেই আকৌ সংবাদ শিৰোনামত কটন বিশ্ববিদ্যালয়। ছাত্ৰ একতা সভাৰ নিৰ্বাচনকেন্দ্ৰিক মাৰপিটৰ ঘটনা সংঘটিত হৈছে শিক্ষানুষ্ঠানখনৰ হোষ্টেলত। জানিব পৰা মতে, বিশ্ববিদ্যালয়ৰ এম এন ডি পি আৰু এছ এন বি চি হোষ্টেলৰ একাংশ ছাত্ৰৰ মাজত যোৱা নিশা সংঘটিত হৈছে প্ৰচণ্ড মাৰপিট। এই মাৰপিটত কেবাজনো ছাত্ৰ আহত হোৱা বুলিও খবৰ পোৱা গৈছে। পৰিস্থিতি নিয়ন্ত্ৰণৰ বাবে আৰক্ষী আহিবলগীয়া হোৱাৰ কথাইহে সকলোকে আচৰিত কৰিছে। উল্লেখনীয় যে, কালি কটন বিশ্ববিদ্য়ালয়ৰ ছাত্ৰ একতা সভাৰ নিৰ্বাচনত ছাত্ৰ মুক্তিয়ে বৃহৎ সাফল্য় লাভ কৰিছে।