বিশেষ বাৰ্তা, ৮এপ্ৰিল : অসম ছচাইটি অফ বেংগালুৰুৰ উদ্যোগত বেংগালুৰুত অনুষ্ঠিত হ’ব ‘বসন্ত উৎসৱ ২০২৩’ শীৰ্ষক ৰঙালী বিহুৰ আটকধুনীয়া অনুষ্ঠান। এইবাৰ উদ্যোক্তাসকলে ব্যাপক আয়োজন কৰা ২২সংখ্যক বৰ্ষৰ এই ৰঙালী বিহু উদযাপিত হ’ব বেংগালুৰুৰ ফ্ৰীডম ইন্টাৰনেচনেল বিদ্যালয়ৰ খেলপথাৰত। এই বিহুতলীত ৯ এপ্ৰিলত গীতৰ যাদুৰে সকলোকে মোহাচ্ছন্ন কৰি ৰাখিব যুৱপ্ৰজন্মৰ হাৰ্টথ্ৰব জুবিন গাৰ্গে। বসন্ত উৎসৱৰ এই অনুষ্ঠানত বিহু হুঁচৰি দলৰ বিহু হুঁচৰি প্ৰদৰ্শনৰ লগতে নৰ্থ ইষ্ট ফুড ফেষ্টিভেলৰো আয়োজন কৰা বুলি জনাইছে উদ্যোক্তা অসম ছচাইটি অফ বেংগালুৰুৱে ৷
প্ৰেৰক দিলীপ মেধি