নিয়মীয়া বাৰ্তা, ১ ছেপ্টেম্বৰঃ বিগত ২৪ ঘন্টাত চলোৱা দুটাকৈ অভিযানত ধুবুৰী আৰক্ষীৰ জালত এগৰাকী মহিলাকে ধৰি মুঠ ৭গৰাকীকৈ কুখ্যাত ড্ৰাগছ সৰবৰাহকাৰী পৰা বুলি জানিব পৰা গৈছে। ঘটনা সন্দৰ্ভত জানিব পৰা মতে, গোপন তথ্যৰ ভিত্তিত কালি চহৰখনৰ ৮নং ৱাৰ্ডত অভিযান চলাই শাহজাহান খন্দকাৰ নামৰ দাগী ড্ৰাগচ সৰবৰাহকাৰী এজনকে ধৰি মুঠ চাৰিগৰাকী সৰবৰাহকাৰীক কৰায়ত্ত কৰিছিল। সেই চাৰিজনক জেৰা চলাই পোৱা তথ্যৰ ভিত্তিত আজি আৰক্ষীয়ে পুনৰ চহৰখনৰ ৮নং ৱাৰ্ডত অভিযান চলাই চিকন্দৰ আলী আৰু নিজাম শেখ নামৰ অইন দুজন কুখ্যাত ড্ৰাগছ সৰবৰাহকাৰী কৰায়ত্ত কৰা বুলি প্ৰকাশ।
প্ৰেৰক অমিতাভ চক্ৰৱৰ্তী