বিশেষ বাৰ্তা, ২৩ আগষ্টঃ বিশিষ্ট সাহিত্যিক তথা সাহিত্য অকাডেমি বঁটাৰে সন্মানিত দিগন্ত বিশ্ব শর্মালৈ ডিব্রুগড় বিশ্ববিদ্যালয়ে আগবঢ়াইছে এটা বিশেষ সন্মান৷ ডিব্রুগড় বিশ্ববিদ্যালয়ে লেখক তথা অনুবাদক দিগন্ত বিশ্ব শর্মাক এবছৰৰ কাৰণে বিশ্ববিদ্যালয়খনৰ প্রফেছৰ অৱ প্রেক্টিচ হিচাপে নিযুক্তি দিছে৷ শেহতীয়াকৈ ডিব্রুগড় বিশ্ববিদ্যালয়ৰ কার্যবাহী পৰিষদৰ বৈঠকত এই সিদ্ধান্ত গ্রহণ কৰা হৈছে৷ প্রফেছৰ অৱ প্রেক্টিচ হিচাপে দিগন্ত বিশ্ব শর্মাই ভাৰতীয় সংস্কৃতিৰ মূল্যবোধ আৰু ঐতিহ্য সন্দর্ভত পাঠদান কৰিব৷ এই সময়ছোৱাত দিগন্ত বিশ্ব শর্মালৈ আগবঢ়োৱা হ’ব যথাযোগ্য আর্থিক সহযোগিতা৷ ইতিমধ্যে বিশিষ্ট লেখকগৰাকীলৈ ডিব্রুগড় বিশ্ববিদ্যালয়ে এই প্রস্তাৱ প্রেৰণ কৰি তেওঁক গ্রহণ কৰিবলৈ অনুৰোধ জনাইছে৷ উল্লেখ্য যে বিশিষ্ট অনুবাদক ৰূপে দিগন্ত বিশ্ব শর্মাই শ্রীঅৰবিন্দৰ ওপৰত বিশেষ গুৰুত্ব প্রদানেৰে ভাগৱত গীতাৰ প্রাসংগিকতা সম্পর্কত তিনিশটা বত্তৃণতা সম্পন্ন কৰি এক উল্লেখযোগ্য মাইলৰ খুঁটি স্থাপন কৰিছে৷