নিয়মীয়া বাৰ্তা, ২০ অক্টোবৰ : শোণিতপুৰৰ ৰঙাপৰা সমষ্টিৰ চিলনী গাঁও পঞ্চায়তত আজি কৃষকক বীজ বিতৰণ কৰা হয় । প্ৰাপ্ত তথ্য মতে, চিলনী গাঁও পঞ্চায়তৰ সভাকক্ষত অনুষ্ঠিত এক বিতৰণ অনুষ্ঠানত ৰঙাপৰাৰ বিধায়ক কৃষ্ণকমল তাঁতীৰ উপস্থিতিত অঞ্চলটোৰ ভালেসংখ্যক কৃষকক সাম্প্ৰতিক সময়ত কৃষি আৰু কৃষকক প্ৰযুক্তি নিৰ্ভৰ কৰি তোলাৰ উদ্দেশ্যৰে উন্নত মানৰ নহৰু বীজ বিতৰণ কৰে। অনুষ্ঠানটোত চিলনী গাঁও পঞ্চায়তৰ সভাপতি দেনেশ্বৰ পাৱ, জিলা বিজেপিৰ সাধাৰণ সম্পাদক কেশৱ উপাধ্যায়, বালিপৰা কৃষি উন্নয়ন বিষয়া জয়ন্ত শইকীয়া, বালিপৰা মণ্ডল কৃষক মৰ্চাৰ সভাপতি বিমান বৰাৰ লগতে ভালেমান বিষয়ববীয়া উপস্থিত থাকে ।
প্ৰেৰক প্ৰাঞ্জল বৰা