নিয়মীয়া বাৰ্তা, ২২ নৱেম্বৰ : কামৰূপৰ টুপামাৰীত ড° এ পি জে আব্দুল কালাম একাডেমীত চাৰিদিনীয়া বৰ্ণাঢ্য কাৰ্যসূচীৰে অনুষ্ঠিত হয় অষ্টম বাৰ্ষিক অধিৱেশন | বৃহস্পতিবাৰে সন্ধিয়া বিদ্যালয় পৰিচালনা সমিতিৰ সভাপতি নুৰুল ইছলামৰ পৌৰোহিত্যত মুকলি আৰু বঁটা বিতৰণী সভা অনুষ্ঠিত হয় | উক্ত সভাত মুখ্য অতিথি হিচাপে টুপামাৰী আঞ্চলিক মহাবিদ্যালয়ৰ অধ্যক্ষ আব্দুল হাকিম, বিশিষ্ট অতিথি অধিবক্তা কোৰবান আলী, ছমৰীয়া আঞ্চলিক পঞ্চায়তৰ প্ৰাক্তন সভাপতি ৰফিকুল ইছলাম, বিদ্যালয়খনৰ প্ৰাক্তন অধ্যক্ষ আজিম উদ্দিন আহমেদ, টুপামাৰী সমবায় সমিতিৰ সভাপতি জাহান উদ্দিনকে আদি কৰি ভালেসংখ্যক বিশিষ্ট ব্যক্তি উপস্থিত থাকে |বাৰ্ষিক অধিৱেশন উপলক্ষে আয়োজিত বিভিন্ন প্ৰতিযোগিতাত স্থানপ্ৰাপ্ত ছাত্ৰ-ছাত্ৰীক বিদ্যালয় পৰিচালন সঞ্চালকদ্বয় ক্ৰমে ছুলতান মামুদ আৰু ৰফিকুল ইছলামে বঁটাসমূহ বিতৰণ কৰে |অনুষ্ঠানৰ শেষত সুদূৰ কলকাতাৰ পৰা আমন্ত্ৰিত শিল্পী চক্ৰৱৰ্তীয়ে গীত পৰিৱেশন কৰে |
প্ৰেৰক সঞ্জীৱ কুমাৰ দাস