নিয়মীয়া বাৰ্তা, ১ জুলাইঃ ৰাইজৰ ৰোষত পৰিছে ড্ৰাগছ আসক্ত এজন যুৱক। নগৰবেৰা আৰক্ষী থানাৰ অন্তৰ্গত বিদ্যানগৰ বজাৰ কমিটীৰ সহযোগত ড্ৰাগছৰ বিৰুদ্ধে ৰাইজে চলোৱা এক অভিযানত শুকুৰবাৰে নিশা বজাৰখনত ড্ৰাগছ আসক্ত এজন যুৱকক হাতে-লোটে ধৰা পেলায় |ৰাইজৰ বেহু ফালি একাংশক আক্ৰমণ কৰি নিশাৰ আন্ধাৰৰ সুযোগত পলায়ন কৰিবলৈ লওঁতেই ৰাইজে ধৰি-বান্ধি খবৰ দিয়ে নগৰবেৰা আৰক্ষীক | মাৰাত্মক নিচাজাতীয় সামগ্ৰীসহ বিদ্যানগৰ বজাৰৰ পৰা আটক কৰা ড্ৰাগছ ব্যৱসায়ৰ মাষ্টাৰ মাইণ্ড যুৱকজন বিদ্যানগৰৰ ড’ন ওৰফে জাকিৰ হুছেইন| বিদ্যানগৰ বজাৰৰ মাজমজিয়াৰ পৰা ৰাইজে আটক কৰিছে ড’ন জাকিৰ হুছেইনক | ঘটনাস্থলীত নিশাৰ ভাগতেই নগৰবেৰা আৰক্ষীৰ এটা বৃহৎ দল উপস্থিত হৈ যুৱকজনক নগৰবেৰা থানালৈ নিয়ে| অভিযোগ অনুসৰি, জাকিৰ হুছেইনে দীৰ্ঘদিনৰ পৰা বিদ্যানগৰ অঞ্চলত ড্ৰাগছৰ ৰমৰমীয়া বেহা চলাই আহিছে | ইতিমধ্যেই নগৰবেৰা আৰক্ষীয়ে যুৱকজনৰ পৰা নিচাজাতীয় টেবলেটৰ লগতে বহুতো নিচাজাতীয় দ্ৰব্যও জব্দ কৰে ৷
প্ৰেৰক সঞ্জীৱ কুমাৰ দাস